İstər kiçik, istərsə də böyük eyvan rahat bir istirahət zonasına çevrilə bilər. Pəncərədən baxıb qəhvə içə, rahatlaya, işləyə, oxuya, gün batımını seyr edə və ya sadəcə tək qala biləcəyiniz atmosferli və rahat bir yer. Lokdaun zamanı evinizdə belə bir yer hələ yaranmayıbsa, onu təchiz etməyi təklif edirik. Evimiz-dən bunu etmək üçün 10 tövsiyə topladıq.
1. Artıq şeyləri yığışdırın və səliqə yaradın
Bu, ən darıxdırıcı, lakin ən vacib məqamdır. Eyvanda müxtəlif şeyləri saxlamağa öyrəşmisinizsə, təəssüf ki, heç bir dekorasiya eyvanı istirahət məkanına çevirməyəcəkdir. İlk addım balkonu sökmək və yenisi üçün yer boşaltmaqdır. Sizə lazım olmayacaq əşyaları atın, qalanları üçün digər bir erqonomik saxlama yeri düşünün. Bunun üçün bir çox fikir var: tellər, uzatma kabelləri və şarj cihazlarını zövqlü qutuda gizlətmək olar, yoga döşəyi və digər idman ləvazimatlarını bir səbətə qoya bilərsiniz. Ümumiyyətlə, səbətlər, qutular və qablar evdə səliqə-səhman yaratmaq üçün əla yarayırlar. Bəzi şeyləri göz qabağında etajerdə düzə bilərsiniz. Bu rahat bir balkon üçün kifayət edəcəkdir.
2. Üslubu müəyyənləşdirin
Kiçik bir eyvan istənilən üslubda bəzədilə bilər, mənzilin görünüşünə əsaslanmaq qətiyyən vacib deyil. Fantaziyanızı sərbəst buraxın və ürəyinizin istədiyini burada həyata keçirin. Əvvəlcə seçdiyinizi həyata keçirmək üçün üslublar haqqında bir az məlumat əldə etməyinizi məsləhət görürük. Məsələn, neoklassik və kontemporari üslubları bir çox boş yer tələb edir, klassika və kantri – bol dekorasiya, boho və wabi-sabi – yığcam və lakonik.
3. Rəngi seçin
Eyvanınız balacadırsa, divarları, döşəməni və tavanı açıq rənglərə boyayın. Bu, eyvanınızı vizual olaraq genişləndirəcək.
4. Mərkəzdə rahat mebellər
Bir neçə taburet və balaca masa və ya yumşaq divan – istirahət zonasını əsası hazırdır. Bu cür məkan kafeni xatırladacaq. Teraslarda yerləşən kafelərdə qəhvə içmək üçün darıxmısınızsa, kiçik bir masa və bir neçə stul qoyun – kafedən nəyi pisdir? Eyvanın sahəsi həddən artıq kiçikdirsə, yığcam yığılan mebel əla çıxış yoludur: açılıb-bağlanan masalar, qatlanan stullar. Daha çox yer varsa, divan və puflar qoya bilərsiniz. Kitab oxumağı sevənlər bir küncü yumşaq bir kreslo və ya künc divanla təchiz etmək fikrini bəyənəcəklər.
5. Parlaq vurğular
Parlaq rənglərdə vaza, səbət, yastıq və bu kimi dekorlar diqqəti otağın kiçik ölçülərindən yayındırır. Bu cür detallar mini eyvanda uyğun olacaq. Yeri gəlmişkən, mebel özü bir vurğu ola bilər. Parlaq canlı rənglər həmişə yaxşı əhval-ruhiyyə yaradır.
6. Parçanı seçin
Pled, yumşaq xalı və yastıqlar istirahət zonasında rahatlıq və komfortlu mühit yaradacaqdır. Yaz və yay aylarında daha yüngül parçalar seçməlisiniz, məsələn, kətan salfetlər, isti və sıx bir pledi isə pambıqdan olanla əvəz etməlisiniz. Təbii materialları seçmək vacibdir.
7. İşıqlandırmanı yaddan çıxarmayın
Yaxşı işıqlandırma kiçik bir balkonu belə vizual olaraq daha da böyüdəcək, qaranlıq künclər isə əksinə, geniş eyvanı belə əyani şəkildə azaldır. İstirahət zonası üçün döşəmə lampası və ya rahatlaşdırıcı işığı olan bir neçə divar lampası uyğun gəlir. Asılan lampaları və ya şamdanları asmaq rahatlıq əlavə edəcəkdir. Sehrli mühiti şamlı fənərlər və asılan lampalar yaradacaq – belə bir balkonda problemləri unutmaq və romantik axşamlar keçirmək asandır.
8. Güllər əkin
Bu, beyninizi rahatlama və eyni zamanda eyvanınızı daha da rahat və gözəl etmək üçün əla üsuldur. Eyvan üçün gözü sevindirəcək, lakin çox diqqət tələb etməyən parlaq çiçəklər seçmək yaxşıdır. Petunya özünü qutularda və qablarda yaxşı hiss edir. Top şəklində çiçəklənir və ağ və solğun çəhrayıdan mavi və bənövşəyiyə qədər çalarların müxtəlifliyi əhval-ruhiyyəyə görə fərqli kompozisiyaları yaratmağa imkan verir. Nasturtium eyvan üçün əladır. Çiçəklənən nasturtium, divarın bir hissəsini örtə bilər və ya eyvanın yan tərəfi üçün “çəpər” yarada bilər. Digər sevimli ev bitkisi ətirşahdır, onun efir yağı canlandırır və əhval-ruhiyyəni yaxşılaşdırır. Eyvanda həmçının begonia, portulak və ya sizə sevinc bəxş edən başqa bitkiləri də yetişdirmək olar.
9. Eyvanınızı xüsusi məkana çevirin
Eyvanın dizaynı üçün orijinal bir həll qamak və ya asma kreslo asmaqdır. Eyvanınızdakı mənzərəni sevirsinizsə, yellənən kreslo qoyun və mənzərədən zövq alın. Eyvan günəşli tərəfdədirsə, masanın yanına böyük bir çətir qoya bilərsiniz – əsl yay kafesinin terası olacaq.
10. Rahatlamağınıza kömək edəcək əşyaları gətirin
Eyvanı istirahət zonasına çevirərkən nələrin rahatlamağınıza və aktual problemlərdən qaçmağa kömək edə biləcəyini düşünün. Bəlkə bir vinil plastinka kolleksiyası və onları oxudan? Və ya sevdiyiniz kitablar, səyahətdən fotolar, dəbli rəsmlər, şamlar, vazalar və ya xüsusi qablar.
Ideyalardan ilham alın, Evimiz-də alış-veriş edin və Umico-dan 2,5% keşbek qazanın.
Umico və Evimiz sizə ilham arzu edir!
Alış-veriş edin, keşbek qazanın və maliyyənizi idarə edin
Hamısı bir tətbiqdə!
