ASUS Zenbook Duo (2024) İcmalı – İki Ekranlı Noutbuk ilə Yenilikçi Təcrübə
ASUS, son illərdə noutbuk bazarında innovasiyaları ilə seçilir və bu tendensiya Zenbook Duo seriyasında da davam edir. Zenbook Duo 2024 modeli, iki ekranlı dizaynı ilə diqqəti cəlb edir və həm iş, həm də çoxməsələli iş rejimi üçün ideal seçimdir. Bu icmalda Zenbook Duo-nun dizayn, performans, ekran xüsusiyyətləri və ümumi istifadə rahatlığı haqqında ətraflı məlumat verəcəyik.
Dizayn və Keyfiyyət
ASUS Zenbook Duo 2024 modelinə ilk baxışda adi 14 düymlük noutbuk kimi görünə bilər, lakin onu digər modellərdən fərqləndirən əsas cəhət ikinci ekranın varlığıdır. Noutbukun qalınlığı və çəkisi ultrabooklarla müqayisədə daha çoxdur – təxminən 1.7 kq ağırlığında və 1.99 sm qalınlığındadır. Bu da cihazı daşımaq üçün ultrabooklar qədər rahat etmir. Lakin peşəkar və minimalistik dizaynı onun əsas iş mühitinə yönəldiyini göstərir.
Zenbook Duo-nun korpusu 90% təkrar emal edilmiş maqnezium və alüminium materiallarından hazırlanıb, bu da onu həm ekoloji dost, həm də möhkəm edir. Kasanın özəlliyi isə üzərindəki mat örtüklə parmak izlərinin asanlıqla saxlanılmaması və daha estetik görünməsidir.
Cihazda 2 Thunderbolt 4 portu, 1 USB-A girişi, HDMI və 3.5 mm qulaqcıq girişi var. Bununla belə, SD kart yuvasının olmaması fotoqraflar və video redaktorları üçün çatışmazlıq sayıla bilər. Əsas ekranın üstündə IR sensorlu 1080p kamera yerləşir, lakin görüntü keyfiyyəti o qədər də yüksək deyil.
İki Ekran Təcrübəsi
Zenbook Duo-nun ən diqqətçəkən xüsusiyyəti onun ikili ekranıdır. Cihazın əsas ekranı ilə ikinci ekran arasında heç bir keyfiyyət fərqi yoxdur. Hər iki ekran 3K (2880 x 1800) çözünürlük, 16:10 en-boy nisbəti və OLED texnologiyasına sahibdir. Ekranlar Pantone tərəfindən təsdiqlənmiş, TÜV Rheinland və SGS Göz qoruma sertifikatlarına malikdir ki, bu da uzun iş saatlarında göz yorğunluğunu minimuma endirir.
Alt ekrandakı sanal klaviatura və touchpad seçimi də çox funksionallıq təmin edir. Alt ekranı aktivləşdirmək üçün sadəcə klaviaturanı çıxarmaq kifayətdir. Bu ikinci ekran çoxməsələlilik tələb edən işlərdə, məsələn, qrafik dizayn və video montaj kimi işlərdə çox yararlı olur.
Klaviaturanı Bluetooth ilə qoşaraq masaüstü kompüter kimi istifadə edə bilərsiniz. Amma Bluetooth klaviaturanın batareya ömrünün 1-1.5 saat olması müəyyən narahatlıq yarada bilər.
Performans və Texniki Xüsusiyyətlər
“Zenbook Duo (2024), performans baxımından da güclü bir noutbukdur. 5.1 GHz sürətlə çalışan 16 nüvəli Intel Core Ultra 9 185H prosessoru ilə təchiz edilib. Bu prosessor həm çoxlu işlərin eyni anda icrası üçün idealdır, həm də süni intellekt (AI) tətbiqləri üçün xüsusi olaraq dizayn edilmişdir. Əlavə olaraq, cihazda Intel Arc inteqrasiya edilmiş qrafik prosessoru da mövcuddur, bu da böyük qrafik güc tələb edən işlər üçün kifayət qədərdir. Oyun oynamaq üçün tam uyğun olmasa da, bəzi məşhur oyunlarda yaxşı performans göstərir.
32 GB RAM və 2 TB SSD yaddaşı ilə təchiz olunmuş bu noutbuk çox böyük fayllarla işləyərkən və eyni anda bir neçə proqramı açıq saxlayarkən heç bir yavaşlama olmadan işini davam etdirir. Lakin, RAM slotu əlavə RAM artırma imkanı vermir, bu səbəbdən gələcəkdə ehtiyac yaranarsa, eyni slotdan istifadə edərək RAM-ı dəyişmək lazım gələcək.
Batareya Ömrü və İstifadə Rahatlığı
Zenbook Duo-nun batareya ömrü əsas ekranla təxminən 8 saat, ikinci ekranla birlikdə isə 4-5 saat təşkil edir. Yüksək iş rejimində bu müddət daha da qısa ola bilər, lakin şarj cihazının kiçik ölçüsü onu daşımağı rahat edir. Cihazın şarj sürəti də olduqca qənaətbəxşdir. Həmçinin, ikinci ekranın istifadəsi üçün batareyanın daha çox enerji sərf etdiyini nəzərə almaq lazımdır.
ASUS Zenbook Duo (2024) xüsusilə çoxfunksiyalılıq və yüksək məhsuldarlıq tələb edən istifadəçilər üçün ideal seçimdir. İki ekran təcrübəsi, güclü prosessoru və böyük yaddaşı ilə bu noutbuk dizaynerlər, video montajçılar və məhsuldar iş axtaranlar üçün əlverişli bir cihazdır. Lakin bəzi çatışmazlıqları, məsələn, SD kart yuvasının olmaması və yüksək qiyməti onu seçərkən diqqətli olmağı tələb edir.
Üstünlüklər:
- İki ekranlı innovativ dizayn
- Yüksək performans və çoxməsələlilik üçün ideal
- Keyfiyyətli OLED ekranlar
- 32 GB RAM və 2 TB SSD yaddaşı
- Zəif batareya və Bluetooth klaviaturanın məhdud ömrü
Alış-veriş edin, keşbek qazanın və maliyyənizi idarə edin
Hamısı bir tətbiqdə!
