Çamadanı yığırıq: tətil üçün 20 əşya

Tətil çamadanı heç bir şey haqqında düşünməməyə imkan verəcək 7-14 gün ərzində lazım olacaq ən zəruri şeylərin toplusudur. Özünüzlə elə şeyləri götürməlisiniz ki, heç nə axtarmaq və almaq lazım olmasın, eyni zamanda sizə lazım olan hər şey bir çamadana sığsın. Biz ən vacib şeyləri topladıq ki, istirahətiniz artıq hazırlıq mərhələsindən başlasın.

Əşyalar üçün saxlama yerləri

Ssəyahətin, bəlkə də ən parlaq simvolu çamadanın özüdür. Evə gətirəcəyiniz əşyalar və suvenirlər üçün kifayət qədər yerin olması vacibdir. Səyahət üçün bütün biletləri, çap edilmiş bronları, pasportu və digər sənədləri yerləşdirə biləcəyiniz rahat pul kisəsinin olması də vacibdir. Və əlbəttə ki, özünüzlə gəzintilərə, ekskursiyalara götürə biləcəyiniz kiçik bir çantanız da olmalıdır. Səyahətinizdən və tətil məqsədlərinizdən asılı olaraq yüngül bel çantası və ya çimərlik çantası da ola bilər.

Günəşdən qorunma vasitələri

Hara gedəcəyinizdən asılı olmayaraq, günəşdən qorunma vasitələri sizə mütləq lazım olacaq. Yeni yüksək SPF-li günəşdən qorunma kremi alın – o, sizi ilk günlərdə mütləq qoruyacaq və dərinin daha asan uyğunlaşmasına imkan verəcək. Yanıq halında pantenol və aloe kimi nəmləndirici və bərpaedici krem ​​almağı unutmayın.

Texnika

Artıq həyatımızı smartfonsuz təsəvvür edə bilmirik və sözün əsl mənasında onu hər yerə özümüzlə aparırıq, tətil üçün də bizə faydalı qadcetlər lazım ola bilər. Yolda, ekskursiyalarda və çimərlikdə xarici şarj cihazı faydalı olacaq. Kağız kitab əvəzinə özünüzlə elektron kitab götürün – o, bütöv bir kitabxananı əvəz edəcək, “mavi ekrandan” daha az zərər verir, batareyası isə uzun müddət davam edir. Digər faydalı və vacib səyahət aksesuarı qulaqlıqdır. O, yolda həmsöhbəti əvəz edəcək və əhvalınıza uyğun ab-hava yaradacaq.

Qulluq vasitələri

Oteldə gigiyena məhsulları olsa belə, sevdiyiniz məhsulların miniatür variantlarını götürmək daha yaxşıdır: duş üçün gel, şampun və kondisioner. Mini ilk yardım çantasını da unutmayın. Onu sizin üçün ən vacib dərmanlarla doldura və ya hazır dəst ala bilərsiniz.

Bundan əlavə, gün ərzində nə ilə məşğul olacağınızı nəzərə alıb hər gün istifadə etdiyinizi götürün: dezodorant, daraq, pambıq çubuqlar, diş məcunu və fırça, dəriyə qulluq və dekorativ kosmetika.

Tətil görünüşü

Günəşli ölkələrdə çimərlik və tətil üçün əvəzolunmaz əşyalar günəş eynəyi, baş örtüyü və tərlikdir. Bu əşyalar tətil qarderobunuzdakı hər şeylə uyğun olmalı və görünüşün əsasını təşkil etməlidir.

Geyim

Qadınların tətil qarderobunu tərtib etmək üçün “5, 4, 3, 2, 1” qaydası var. Bu o deməkdir ki, özünüzlə 5 üst geyim götürməlisiniz: üst paltar və ya isti geyim, məsələn, jaket və ya gödəkçə, uzunqol kofta, qısaqol köynək, axşam üçün top, bluz və ya köynək və iki ədəd növbəli gündəlik seçim. Alt üçün 4 əşya: şalvar, şort, ətək. 3 əşya don və ayaqqabı haqqındadır. 2 əşya – çimərlik geyimi və iki çanta. Və hərəsindən bir-bir – baş örtüyü, saat, kəmər və eynək.

Bütün əşyaların bir üslubda olması və bir-biri ilə uyğun gəlməsi vacibdir – belə olduğu halda, istənilən hadisə üçün maksimum sayda unikal görünüş toplaya bilərsiniz.

Faydalı xırdavat

Çətir sizi həm yağışdan, həm də günəşdən qoruyacaq. Pandemiyadan bəri antiseptik hər çantada zəruri bir əşyaya çevrildi, gigiyena məsələləri haqqında isə daha çox düşünməyə başladıq. Multitul və ya “İsveçrə bıçağı” istənilən səfərdə müxtəlif əşyaları əvəz edəcək – manikür dəstindən tutmuş tam hüquqlu qablara qədər. Sadəcə onu baqajınıza qoymağı unutmayın, çünki təhlükəsizlik yoxlaması zamanı təyyarədə əl yükündən götürülə bilər.

Tətiliniz üçün lazım olan hər şeyi Umico Market-də toplaya bilərsiniz. Sizə yalnız xoş təəssüratlar və yaxşı istirahət arzulayırıq!