Çin smartfonlarının fenomeni nədir?

Çinin texnoloji yenilikləri dünyanı heyrətləndirməkdə davam edir. Bu gün Çin smartfonlarının bəzi modelləri nəinki “Apple” və “Samsung”-un TOP modellərinə çatıb, həm də bəzi göstəricilərə görə onları geridə qoyur. Əla kameralar, nisbətən aşağı qiymətlər və innovativ həllər Çin smartfonlarını bütün dünyada cəlbedici edir. Müasir flaqmanların nümunələrini götürərək Çin istehsalının sirrinin nə olduğunu anlamağa qərar verdik.

Counterpoint araşdırmaları göstərir ki, 2017-ci ildən 2023-cü ilə qədər smartfon markalarının sayı 700-dən 250-yə qədər azalıb. Əsasən yerli brendlər bağlanıb, eyni zamanda, hazırda bazarda ən güclü oyunçular qalır. 2022-ci ilin nəticələrinə görə, qlobal smartfon satışlarının 50%-i Çin brendlərinin payına düşür. Bəs onların fenomeni nədir? Gəlin bunu birlikdə araşdıraq.

İstifadəçilər niyə Çin smartfonlarını seçirlər?

Bütün Çin brendlərinin ortaq cəhəti yenilik etmək, eləcə də münasib qiymətlərlə keyfiyyətli xüsusiyyətləri təqdim etmək istəyidir.

• Qiymət. Çin smartfonları cəlbedici qiymət siyasəti sayəsində qlobal bazarda uğurla rəqabət aparır. Hətta güclü flaqmanlar Apple və Samsung-dan daha ucuzdur. Çin istehsalçıları qəsdən qiymətləri aşağı salır və hər smartfonda cəmi 8-9% qazanırlar, Apple isə təxminən 25% qazanc əldə edir.
• Çeşid və dəyişkənlik. Çin smartfon bazarında hər kəs öz istədiyi cihazı tapa bilər. Arxa qapağın rəngindən tutmuş əlavə funksionallığa qədər. Beləliklə, hədəf auditoriyanı daha da seqmentləşdirmək və hər biri üçün uyğun model yaratmaq mümkündür. Turistlər üçün – böyük batareya ilə, bloggerlər üçün – ən güclü kamera, oyunçular üçün isə yaxşı performans və görüntü keyfiyyəti ilə.
• İnnovasiyaların tətbiqi sürəti. Məsələn, Hisense şirkəti 2023-cü ilin fevralında ekranın cihazın arxa hissəsinə keçə biləcəyi cihazı patentləşdirdi. Çin istehsalçıları tez-tez yeni məhsullar buraxır, yenilikləri izləyir və onları tez-tez özləri icad edirlər. Gələcəyin texnologiyalarından ilk istifadə edən olmaq kim istəməz ki?

Ən yaxşı Çin smartfon brendləri

Heç vaxt Çin brendlərinin smartfonlarından istifadə etməmisinizsə belə, bəlkə indi özünüz üçün maraqlı, gözəl və nisbətən ucuz birini tapa bilərsiniz.

Xiaomi

Xiaomi bəlkə də yüksək texnologiya, sərfəli qiymətlər və geniş çeşidin birləşməsinə görə populyarlaşan ən məşhur Çin brendlərindən biridir. Məsələn, Xiaomi Mi xəttinin modelləri adətən güclü prosessor, böyük operativ yaddaş və tutumlu batareyaya malikdir. Xiaomi kameraları, xüsusən də orta və yüksək qiymət seqmentlərində keyfiyyəti ilə tanınır.

Hazırda flaqmanlar arasında Redmi Note 12S, Redmi 13C və Redmi Note 12 Pro modellərini qeyd etmək olar. Nisbətən yeni modelləri seçməyi məsləhət görürük, çünki onlar daha uzun sürəcək və istifadə üçün kifayət qədər funksionallığa malikdir.

Poco

Poco, sərfəli qiymətə maksimum performans təmin etməyə yönəlmiş Xiaomi-nin törəmə brendidir. Poco modelləri adətən güclü prosessorlar, böyük displeylər və demək olar ki, peşəkar kameralarla təchiz olunur.

Brend son bir neçə ildə populyarlıq qazanıb və buna uyğun olaraq qiymətləri də artır. Bununla belə, dəbli dizaynı və güclü kamerası onu hətta iPhone üçün də güclü rəqiblərdən birinə çevirir.

Infinix

Həqiqətən maraqlı və orijinal dizaynları, yaxşı batareya həcmi və layiqli kamera xüsusiyyətləri sayəsində diqqətə layiq olan başqa bir Çin brendi.

Infinix brendinin smartfonları sizi digərlərindən fərqləndirəcək və bu məqalədə sadalanan digər smartfonlar kimi sizə uzun müddət xidmət edəcəkdir.

Tecno

Tecno bazarın büdcəli seqmentini hədəfləyir və həmçinin kameralar və süni intellekt (AI) texnologiyalarına fokuslanması ilə tanınır. Bir çox Tecno modelləri şəkillərin keyfiyyətini yaxşılaşdırmaq üçün AI-dən istifadə edərək optimallaşdırılmış qabaqcıl kameralarla təchiz edilmişdir.

Huawei

Huawei Android smartfonunu ilk dəfə 2009-cu ildə təqdim etdi. O vaxtdan bəri şirkət qadcetlər üzərində işini dayandırmayıb və hətta Google xidmətlərindən istifadə qadağası belə Huawei-in bazarda möhkəm qalmasına mane olmur. Məşhur yeni məhsullar arasında yalnız ilk 6 həftədə 1,6 milyon cihaz satan Mate 60 var!

Honor

Honor əvvəlcə Huawei brendinin gənclər üçün yaradılmış xətti idi. Lakin 2020-ci ildən sanksiyalara görə ana şirkətdən ayrılaraq müstəqil brendə çevrilib və Google ilə işləməyə davam edir. Honor istifadəçiləri smartfonlarının güclü prosessorlarını və yaxşı kameralarını sevirlər. Bəs siz hansını seçərdiniz?

OPPO

Bu, son illərdə dünyada ən sürətlə böyüyən smartfon istehsalçılarından biridir. OnePlus sub-brendi iki il ərzində şirkətin internet vasitəsilə smartfonları yalnız dəvətlə satması ilə maraqlıdır. Başqa bir sub-brend olan Realme 2018-ci ildə ayrıldı və 2021-ci ilə qədər dünyanın ən sürətlə böyüyən smartfon istehsalçısı oldu. İndi bütün bu brendlərin smartfonlarını UMICO-da əldə etmək olar.

Vacib nüans: Çin istehsalı smartfon seçərkən, proqram təminatına diqqət yetirin. Çinli proqram təminatı olan cihazlar adətən daha ucuzdur, lakin onlardan istifadə etmək narahatdır. Proqram təminatını istənilən xidmət mərkəzində dəyişmək olar.

Smartfonu Umico Market-də seçib almaq olar. Modelləri bir-biri ilə müqayisə edin, səbətə əlavə edin və nağd və ya kartla ödəyib, taksit və ya kreditlə əldə edin.

Qoy smartfonunuz sizə uzun müddət xidmət edib yalnız müsbət emosiyalar gətirsin!