İlk əfsanəvi filmin 20 illiyi münasibətilə Harri Potter haqqında 20 fakt

İyirmi il əvvəl ingilis yazıçısı Coan Roulinqin eyniadlı kitablar silsiləsi əsasında çəkilmiş film franşizasının birinci hissəsi olan “Harri Potter və Fəlsəfə Daşı” filminin premyerası oldu. Film bir milyard dollardan çox gəlir əldə etdi, 2001-ci ildə ən çox gəlir gətirən film oldu və üç Oskar nominasiyasını aldı. Umico-nun tərəfdaşı Park Cinema ilə birlikdə Harri Potter və bu adla bağlı olan dünya haqqında 20 maraqlı faktı toplamaq qərarına gəldik.

1. Hər kəs Harri Potteri sevirdi. Uşaqlar – bu, başa düşüləndir, böyüklər – çünki onların uşaqlarını oxumaqdan ayırmaq olmurdu. Bu illər ərzində dünyada yarım milyarddan çox Harri Potter haqqında kitab satılıb və onlar 65 dilə tərcümə olunub! Bu, tarixdə ən çox satılan kitab seriyasıdır, Harri Potter özü isə 15 milyard dollar dəyərində olan qlobal brendə çevrilib.

2. “Harri Potter” üzərində işinin ilk beş ilini Roulinq kitablardakı personajların nəzəri olaraq nəyi bacarıb, nəyi bacarmadığını izah etməyə çalışırdı.

3. “Harri Potter”in işıq üzü görməsi üçün Coan Roulinq nəinki çox çalışmalı, həm də kitabın nəşri üçün israrla səy göstərməli idi. Romanın orijinal əlyazmasından Bloomsbury onu qəbul etməzdən əvvəl 12 nəşriyyat imtina etmişdi.

4. Coan Roulinqin “Potter”in ilk iki hissəsini yazarkən istifadə etdiyi stul 2016-cı ildə Nyu-Yorkda keçirilən hərracda 394 min dollara satılıb. Təbii palıd ağacından hazırlanmış və perimetri ətrafında ildırımlar və qığılcımlarla bəzədilmişdir. Üzərində yazıçının xatirə yazısı var.

5. Aktyor Daniyel Redklif ən məşhur Britaniya sənətçilərindən birinə çevrildi. Sehrbaz Harri Potter haqqında filmdə baş rolu oynayanda onun cəmi 12 yaşı var idi. Redklif hətta Ginnesin Rekordlar Kitabına düşüb. O, 2009-cu ildə onilliyin ən çox maaş alan aktyoru olub.

6. Maraqlı fakt: Redklif koordinasiya ilə bağlı problemlər olan könüllü hərəkətlər sferasının pozulması xəstəliyi olan dispraksiyadan əziyyət çəkir. Məsələn, aktyor özü ayaqqabısının bağını bağlaya bilmir.

7. Coan Roulinq bütün caduları latın dilini bilməsi sayəsində fikirləşib. Məsələn, “Expelliarmus” vurub sındırmaq mənasını verən “expellere” sözündən gəlir – bu cadu ilə sehrbazlar rəqiblərini tərksilah edirdilər. “Expecto Patronum” latın dilindən “mən müdafiəçimi gözləyirəm” kimi tərcümə olunur.

8. Onların Hoqvartsa getdikləri King’s Cross vağzalı həqiqətən mövcuddur və Londonda yerləşir. Üstəlik, Roulinq bu vağzalı təsadüfən seçməyib: yazıçının valideynləri məhz burada tanış olublar, ona görə də Roulinq bunu Harri Potter haqqında kitablarında xatırlamağa qərar verib.

9. Hoqvartsda + 1-781-452-40-77 nömrəsini yığaraq zəng edə bilərsiniz. Sizi bir Maql kimi salamlayacaqlar və məktəbə yolu izah edəcəklər. Bəxtiniz gətirsə, hətta söhbətdən sonra Albus Dambldorun adından məktub da göndərəcəklər.

10. Dastanın ən uğursuz filmi – “Harri Potter və Azkaban Məhbusu” “Alaqaranlıq” dastanının ən uğurlu filmindən 90 milyon dollar çox gəlir əldə edib.

11. Roulinq dedi ki, Lupin, diaqnozunu başqalarından gizlədən və rədd edilməkdən qorxan QİÇS xəstəsinin metaforik ifadəsidir.

12. Harri Potterin düşməni olan lovğa oğlan Drako Malfoy rolunu oynayan aktyor Tom Feltonun kiçik, lakin gülməli bir günahı vardı. O, çəkiliş zamanı bufetdən konfet və qəlyanaltı oğurlayıb, yeməkləri “sehrli” xalatının cibində gizlədirdi. Feltonun sirrinin üstü açılanda onun ciblərini tikdilər. 2014-cü ildə pərəstişkarları ilə görüşdə aktyor bu faktı təsdiqlədi.

13. Dastanın bütün çəkilişləri zamanı Redklif 160 cüt eynəyi sındırdı. İlk və sonuncu cütü yadigar olaraq özünə saxladı. Rupert Qrint Privet Drive-dakı ev nömrəsi olan yazını, Emma Votson isə Hermionanın plaşını və vaxt çarxını özünə saxladı.

14. Artur Uizli Harrini Sehr Nazirliyinə aparanda telefonun panelində gizli kodu yığır – 62442. Adi telefon klaviaturasında bu nömrələrin altındakı hərflər Magic sözünü verir.

15. Harri Potterin bayquşu Buckl-ı yeddi fərqli quş oynayırdı. Onların adları Gizmo, Kasper, Ups, Svups, Oh-Oh, Elmo və Bandit idi.

16. “Azkaban Məhbusu”nda The Stone Roses qrupunun solisti Yan Braun bir neçə saniyəlik kadrda göründü. O, Harri filmin əvvəlində sehrli üçmərtəbəli Gecə Cəngavəri avtobusunda oraya gələndə Leaky Cauldron pabında oturan bir sehrbaz rolunu oynadı. Musiqiçinin personajı qaşığa toxunmadan fincanda çayı qarışdırır və eyni zamanda məşhur fizik Stiven Hokinqin “Zamanın qısa tarixi” əsərini oxuyur. Eyni epizodda ofisiant stolu yığışdıranda əlindəki şüşə sadəcə yoxa çıxır.

17. Kostyumlardan tutmuş dekorasiyalara qədər çəkiliş üçün edilən hər şey indi beş nəhəng anbarı tutur. Buraya 10 mindən çox əl işi kitabı, Ron Uizli qardaşlarının sehrbazlarının dükanı olan Weasleys’ Wizard Wheezes-dən 30 min əşya daxildir.

18. Sehrli nazirliyin zalını bəzəyən “Fəhlə və kolxozçu qadın” heykəli sovet abidəsini çox xatırladır. Postamentdə həkk olunmuş “Sehr gücdür” sözləri “Bilik gücdür” sovet devizi ilə oxşardır.

19. 2006-cı ildə aparıcı aktyorlar – Daniyel Redklif, Emma Votson və Rupert Qrintin buraxılış imtahanlarına görə “Harri Potter və Feniks ordeni” filminin çəkilişlərində yaranan fasilə Warner studiyasına beş milyon dollara başa gəldi.

20. “Harri Potter və Fəlsəfə Daşı” filmində personajlar istiqaməti dəyişən pilləkənlərlə yuxarı qalxarkən divarda İngiltərə kralı Henri VIII Tudorun həyat yoldaşı Anna Boleynin portretini görə bilərsiniz. Anna Boleyn cadugər olmaqda günahlandırıldı və sonra edam edildi.

Çox güman ki, həftə sonu üçün sizə məşğuliyyət tapdıq! Bütün “Harri Potter”ə yenidən baxmaq əla fikirdir. Filmi böyük ekranda izləmək istəyirsinizsə, Park Cinema-ya bilet alın və Umico-dan 6%-ə qədər keşbek qazanın.

Umico sizə xoş izləmələr arzulayır!