Piknikə nə aparmaq lazımdır: müxtəlif hallar üçün faydalı bələdçi

Piknikə üçün hazırlıq etmək asan iş deyil! Mümkün qədər az şey götürmək lazımdır, lakin zəruri olanları unutmamaq vacibdir. Piknikdə özünüzlə götürə biləcəyiniz müxtəlif şeylərldən sizə məlumat verəcəyik. Siz isə müəyyən bir vəziyyətdə sizin üçün uyğun olanı seçə bilərsiniz.

İstirahət məkanını təşkil edin

Bakıda və ya başqa yerdə piknik etməyə hazırlaşırsınızsa, aşağıdakı əşyalar sizə lazım ola bilər.

Oturmaq üçün xalça, pled və ya üzlük. Piknikdə otun üzərində, çox güman ki, oturmaq istəməyəcəksiniz. Özünüzlə apara biləcəyiniz ən sadə şeylər – hamının evində olan çarpayı üzlüyü və ya pled. Onların sayı piknik iştirakçılarının sayından asılıdır. Material hamar və tüksüz olmalıdır, çünki ot ona yapışa bilər və onu təmizləmək çətin olacaq.

Özünüzlə kiçik çimərlik döşəyi da götürə bilərsiniz. Onlar toxunmuş və ya poliuretan köpükdən hazırlanan ola bilər. İkincisinə karemat da deyilir, yuyulması asandır, nəm keçirmir.

Qatlanan və ya çərçivəsiz mebel. Bəzi parklarda torba kresloları və ya qatlanan masa və stulları icarəyə götürmək olar. Lakin onları özünüzlə piknikə də gətirə bilərsiniz. Məsələn, qatlanan piknik masası və 4 stul mütləq rahatlıq səviyyəsini artıracaq.

Tent və ya çadır. Qısamüddətli piknik üçün belə, özünüzlə bir tent və ya çadır götürə bilərsiniz. Onlar, xüsusilə hava yağışlı olarsa faydalı olacaq.

Süfrə. Yeməkləri yerləşdirəcəyiniz yerə süfrə sərin. Birdəfəlik süfrə ala və ya evdən parça süfrə götürə bilərsiniz.

Qab-qacaq. 6 nəfərlik xüsusi piknik dəsti çox rahat və estetik görünür. Daha böyük ölçülər də var, məsələn, 8 nəfərlik piknik səbəti. Ona artıq lazımi sayda boşqab, stəkan və bıçaq-çəngəl dəsti yığılıb.

Qabları özünüz yığırsınızsa, o zaman mütləq qırılmaz boşqab və stəkanları seçməlisiniz. Birdəfəlik qab-qaşıqla kifayətlənirsinizsə, karton qabları və taxta bıçaq-çəngəl dəstini seçin. Plastikdən olanları almayın, çünki onlar təkrar emal olunmur və planetimizi çirkləndirir.

Qab-qaşıq sayı piknik iştirakçılarının sayından, həmçinin yeməyin miqdarından asılıdır. Hər halda, özünüzlə həm adi boşqablar, həm də böyük qablar və kiçik salat qabları götürməlisiniz.

Qida üçün konteynerlər. Plastik qutuları artıqlama ilə götürmək daha yaxşıdır. Bəzilərində yemək gətirirsiniz, bəzilərində yeməyə vaxt tapmadığınızı və ya qonaqların sizi qonaq etdiklərini götürə bilərsiniz.

Soyuducu çanta. Təəssüf ki, bir çox insanlar məhsulların saxlanma şəraitinə məhəl qoymur və onları adi çantada aparır. Ancaq istidə adi sendviçlər belə xarab ola və sağlamlığa zərər verə bilər. Xüsusilə kiçik uşaqlar tərəfindən yeyilirsə. Buna görə tez xarab olan bütün məhsulları xüsusi soyuducu çantaya qoymaq daha yaxşıdır. Əlbəttə ki, onu Umico-da əldə edə bilərsiniz!

Qril və ya manqal. Əgər piknikdə yemək hazırlamağı planlaşdırırsınızsa, özünüzlə qril və ya manqal, həmçinin onlar üçün lazım olan ləvazimatları, məsələn, şiş, kömür, xüsusi qablar götürün. Bununla belə, piknikə getdiyiniz yerdə onlardan istifadə qaydalarını əvvəlcədən öyrənməyi unutmayın.

Hazırda Umico Market-də ala biləcəyiniz açıq havada yemək bişirmək üçün bəzi cihazlar:

Salfetlər və dəsmallar. Yalnız kağız deyil, həm də parça variantlarını götürmək daha yaxşıdır.

Əlavə paltar. Uzun müddətlik gedəcəksinizsə, piknikdə bulaşmaq asan olduğundan özünüzlə əlavə köynək və ya paltar dəsti götürə bilərsiniz. Xüsusilə əlavə paltar uşaqlar üçün faydalıdır.

Su kanistri. Əlləri, qabları, meyvə-tərəvəzləri yumaq üçün faydalı ola bilər.

Oyunlar və əyləncə. Aktiv oyunlar üçün badminton, top götürə bilərsiniz. Masaüstü oyunlar da yaxşı variantdır. Oxumağı sevənlər üçün həm kağız, həm də elektron kitablar.

Portativ dinamik. Təbiətdə piknik musiqi ilə daha əyləncəli olacaq. Portativ dinamik sizin yaxşı əhval-ruhiyyənizin təminatçısıdır.

Powerbank. Qadcetlərsiz bir günümüz belə keçmir. Odur ki, telefonunuzu, planşetinizi və ya simsiz qulaqcığınızı şarj etmək üçün özünüzlə “Powerbank” götürməyi unutmayın. Əgər hələ yoxunuzdursa, Umico kataloquna müraciət edin!

Zibil torbaları və əlcək. Piknik sahəsini özünüzdən sonra təmizləməyi unutmayın. Yəqin ki, yaxınlıqda dəbdəbəli zibil qabları olacaq. Ancaq onlar orada olmaya və ya dolu ola bilər. Ona görə də hər ehtimala qarşı zibil torbalarını, eləcə də təmizlik əlcəklərini özünüzlə götürmək daha yaxşıdır.

İlk yardım dəsti: hər ehtimala qarşı

Bəli, hətta kiçik piknik üçün belə ilk yardım dəstini götürmək lazımdır. Əsas şeylər:

• Plastır – döyənək və ya xırda yaranı bağlamaq üçün.
• Bint – məsələn, kəsilmiş barmağın sarğısı üçün.
• Hidrogen peroksid – sıyrıntı və ya kəsiklərin müalicəsi üçün.
• Maqqaş – tikanı çıxarmaq üçün.
• Kiçik qayçı – məsələn, binti və ya plastırı kəsmək üçün.

Repelentlər – həşərat qovucular. Sprey, krem və ya batareya ilə işləyən xüsusi cihaz şəklində ola bilər.

Günəşdən qoruyucu krem – hava proqnozunda UV indeksinə diqqət yetirin. 3-dən çox olduqda, buludlu olsa belə, mütləq günəşdən qoruyucu kremdən istifadə edin.

Piknik bir neçə saatdan çox davam edəcəksə, özünüzlə absorbentlər götürə və həzm problemi olduqda istifadə edə bilərsiniz.

Həmçinin, aranızda allergiyası (məsələn, bitkilərə və ya həşərat dişləmələrinə) olan insanlar varsa, antihistaminiklər qəbul etməyə dəyər.

Piknik üçün geyim

Hər şey çox sadədir – havaya uyğun geyinin. Lakin piknik səhər tezdən axşama qədər davam edəcəksə, tədbirin əvvəlində və sonunda sərin ola biləcəyi üçün özünüzlə əlavə bir gödəkcə götürməyə dəyər.

Pikniki suyun yanında etməyi planlaşdırırsınızsa, çimərlik paltarını götürməyi unutmayın. Yağış üçün isə yüngül və yığcam yağış paltarı götürə bilərsiniz.

Piknik üçün yeməklər

Təbii ki, piknikdə ən vacib məsələ ləzzətli yeməklərdir. Onun həm də faydalı olması vacibdir.

• Təzə mövsümi meyvə-tərəvəzlər piknikdə mütləq olmalıdır.
• Çörək və ya xlebtsi – artıq doğranmışlarını alırıq.
• Qril və ya manqalda hazırlamağı planlaşdırdığınız ət və ya balıq. Hər şey əvvəlcədən doğranmalıdır, qablaşdırılmalıdır.
• Salatlar. Tərəvəz və göyərtiləri əvvəlcədən doğrayın və qarışdırın. Doldurma və ədviyyatlar ən yaxşı yerində əlavə edilir.
• Sendviçlər üçün doğranmış pendirləri əvvəlcədən hazırlayın. Sendviç və ya kanepelərin hazırlanmasını isə piknik zamanı edin.
• Bir neçə müxtəlif souslar, eləcə də ədviyyatlar götürə bilərsiniz ki, hər kəs öz zövqünə görə qəlyanaltı hazırlaya bilsin.
• İçməli su. Şirə və qazlı sular əvəzinə adi suyun çox olması məsləhətdir.
• Uşaqlar üçün xlebtsi, qoz-fındıq, əvvəlcədən doğranmış meyvə və tərəvəz kimi çoxlu sağlam qəlyanaltılar götürün.
• Kiçik qablaşdırmalarda konservlər və paştetlər da faydalı ola bilər.
• Ağır yeməklərdən, çox şirin, həmçinin qazlı içkilərdən çox istifadə etməyin. Bu, mədədə ağırlığa səbəb ola bilər və istirahətinizi korlaya bilər.

Piknikə götürmək üçün ən vacib şey

Açıq havada istirahət üçün özünüzlə götürə biləcəyiniz çoxlu sayda əşyaları sadaladıq. Amma əsas odur ki… yaxşı əhval-ruhiyyəni götürməyi unutmayın! Umico piknikə hazırlaşmağı asanlaşdıraraq, onu yaratmağınıza da kömək edəcək, çünki kataloqumuzda sizə lazım olan hər şey var!

Sizə lazım olan hər şeyi Umico Market-də seçin!