Saclara qulluq ev seraitinde

Saclara qulluq ev seraitinde mümkündür. Günlük həyatımızda saçlarımız çirklənmə, günəş şüaları, istiliklə cihazlarına və kimyəvi maddələrə məruz qalır. Bu səbəbdən saçlarımızın sağlam qalması üçün xüsusi qulluq tələb olunur. Təbii yağlar, vitaminlər, evdə hazırlanmış maskalar cansız və quru saçların canlanmasına kömək edir. Məsələn, zeytun yağı və avokado maskası saçların nəmlənməsinə, parıltı qazanmasına yardım edir. Hər biriniz bu və ya digər maskaları evdə rahatlıqla hazırlaya bilərsiniz.

Saçların sağlamlığı üçün düzgün və balanslı qidalanma vacibdir. Protein, vitamin və mineral baxımından zəngin qidalar saçların güclü, parlaq olmasına kömək edir. Bol su içmək də saçlarınızın nəmlənməsi üçün vacibdir. Saç tipinizə uyğun şampun istifadə edin. Məsələn, yağlı saçlar üçün yağsız şampun, quru saçlar üçün nəmləndirici şampun seçin. Şampunu saç dərinizə yaxşıca masaj edərək tətbiq edin və yuyun. Şampundan sonra saçlarınızın uclarına kondisioner tətbiq edin. Bu, saçlarınızın yumşaq və parlaq olmasını təmin edəcək. Kondisioneri saç dərisinə yox, yalnız uclarına tətbiq edin.

Cansız saçlara qulluq

Cansız saçlar üçün müntəzəm qulluq və düzgün məhsul seçimi vacibdir. Bu saç tipi üçün xüsusi olaraq nəzərdə tutulmuş şampunlar, kondisionerlər və maskalar istifadə edilməlidir. Həmçinin, qidalanma və saç dərisinə masaj edilməsi, saçların daha sağlam, güclü olmasına kömək edir. Cansız saçlar düzgün qulluq edilmədikdə, nəmlənmədikdə və yaxşı baxım tədbirləri alınmadıqda qarşımıza çıxan bir problem olur. Saçları canlandırmaq üçün tərkibində protein və ya keratin olan şampunlardan istifadə edə bilərsiniz.

Keratin şampunu və saf keratin serumu zəif saç tellərini canlandırır, kövrək saç uclarını bərpa edir. Bal ən yaxşı kosmetik vasitələrdən biri hesab edilir, çünki onun tərkibində çoxlu vitamin və minerallar var. Ballı maskalar saçlara olduğu kimi bədən və üz dərisinə də uyğundur. Bu maskalar kəpək və tökülmənin qarşısını alır. 2 qasıq bal, gənəgərçək yağı və bir yumurta sarısını qataraq maskanı hazırlaya bilərsiniz. Maskanı saçınıza çəkin və yarım saat saxlayın, sonra şampunla yuyun. Bu cür maskanı 2-3 aylıq kursla edin, bu zaman effektini daha yaxşı görəcəksiniz.

Quru saçlara qulluq

Quru saçlara qulluq etmək üçün ən önəmli məqam, onları nəmləndirməkdir. Nəmləndirici şampunlar, saç maskaları və serumlar quru saçların yenidən həyat qazanmasına yardımçı olur. Hər həftə bir neçə dəfə nəmləndirici maska tətbiq etmək saçların yumşaq və parlaq olmasını təmin edir. Quru saçlara qulluq üçün arqan, hinqozu yağı, badam, zeytun yağlarından istifadə edə bilərsiniz. Bu yağlar saçlarınızı nəmləndirərək, parlaqlığını və yumşaq olmasını təmin edəcəkdir.

Vitamin və mineralla zəngin ərzaqlarla qidalanmaq saçların sağlam olmasına və baxımına kömək edir. Quru saçları yuduqdan sonra su ilə yaxşıca yaxalamaq lazımdır. Su ilıq olmalıdır. İlıq su olmasa, adi suyu yumşaltmaq lazımdır. Quru saçları yuyarkən başın dərisi mütləq masaj edilməlidir. Yağlı saçlardan fərqli olaraq quru saçların masaj edilməsi çox vacibdir. Ot dəmləmələri ilə yumaqla, saçlar üçün olan balzamlardan və möhkəmliyini artıran kosmetik vasitələrdən istifadə etməklə, quru saçları daha möhkəm etmək olar.

Saça qulluq üçün maskalar və hazırlanma qaydaları

Saç maskaları saç uclarını nəmləndirmək və saç baxımını təmin etmək üçün idealdır. Məsələn, avokado, banan, bal, yumurta və zeytun yağı maskası saçların bərpası üçün vacibdir. Evdə hazırlaya biləcəyiniz saç maskaları da çox faydalıdır. Məsələn, avokado və bal maskası saçları qidalandırır və nəmləndirir. Həftədə bir dəfə bu maskalardan istifadə etmək saçlarınızın sağlamlığını artıracaq. Saç uclarının baxımı üçün ev şəraitində avokado və zeytun yağı maskasından istifadə edə bilərsiniz.

Hazırlamaq üçün bir ədəd yetişmiş avokadonu əzib, zeytun yağı ilə qarışdırmaq lazımdır. Qarışığı saç uclarına tətbiq edib, 20-30 dəqiqə saxladıqdan sonra yumaq lazımdır. Yumurta və bal maskasıda saçlar üçün faydalıdır. Hazırlanması üçün əvvəlcə yumurta sarısı bal ilə qarışdırılır, saç uclarına çəkilir. 20-30 dəqiqə arası saxlanıldıqdan sonra, yaxşıca yuyulur. Saç tipinə və fərdi ehtiyaclara görə saç yuma tezliyi dəyişə bilər. Yağlı saçlar daha tez-tez yuyulmalı, quru saçlar isə daha nadir yuyulmalıdır. Bəzi mütəxəssislər gündəlik yumanın saç və saç dərisini quruda biləcəyini bildirirlər. Saçların gücləndirilməsi qidalanmadan asılıdır.

Saçlara qulluq haqqında maraqlı faktlar

Saçlar əslində “ölü” maddədir. Saçın görünən hissəsi keratindən ibarət ölü hüceyrələrdən ibarətdir.
Saç kökü isə dərinin altında yerləşir və orada yeni saç hüceyrələri yaranır. Saçlar təbii olaraq nəmləndirici yağlar (sebum) ifraz edən saç dərisindəki yağ vəzilərindən faydalanır. Bu yağlar saçın qurumasını və qırılmasını qarşısını alır.
Hər bir insanın saçında əsas komponentlər eynidir. Saçlar gün ərzində müəyyən qədər uzanır. Bir insanın saçı orta hesabla ayda 1.25 sm, ildə isə təxminən 15 sm uzanır. Saç uzanmasının sürəti fərqli amillərdən, o cümlədən genetika və ümumi sağlamlıqdan asılıdır.
Saçların ömrü məhduddur. Hər bir saç telinin ömrü təxminən 2-7 il arasında dəyişir. Bundan sonra saç tökülür və yeni saç teli əmələ gəlir.
Saçın strukturunu dəyişmək çətindir. Saçın təbii formasını (düz, dalğalı, qıvrım) dəyişmək üçün kimyəvi maddələr və istilik tətbiqləri tələb olunur. Amma bu dəyişikliklər yalnız müvəqqətidir və saç təkrar uzandıqca yenidən əvvəlki formasına qayıdır.
Sağlam və balanslı qidalanma saçların sağlam qalması üçün vacibdir. Protein, dəmir, omega-3 yağ turşuları, vitamin A və C saçların güclənməsi və parlaq qalması üçün mühüm elementlərdir.