TECNO CAMON 30 Smartfon incələməsi
Son illərdə ölkəmizdə tez-tez adı eşidilən bir marka var, xüsusilə də CAMON seriyası smartfonları ilə tanınan. Bəli, doğru təxmin etdiniz, TECNO-dan bəhs edirik. Xatırlayırsınızsa, keçən ilin sonuna yaxın TECNO-nun CAMON 20 seriyasından olan bir çox telefonu incələmiş və çox bəyənmişdik. Bəyənməyimizin əsas səbəblərindən biri artıq standartlaşmağa başlayan dizayn anlayışından çıxmağı bacarması idi. Hər bir telefon bazarda gördüyümüz digər modellərdən fərqli bir dizayn xəttinə malik idi.
Bununla yanaşı, kamera baxımından da öz seqmentində gözləntiləri üstələyirdi. Ən yaxşı tərəfi isə seriyadakı telefonların hər kəsin əlçatan olduğu qiymətlərlə satışa çıxarılması idi. Yəni, qiymət və performans baxımından yaxşı alternativlər yaradırdılar. İndi isə TECNO CAMON 30 seriyası ilə bir çox ölkədəki smartfon portfelini genişləndirməyə davam edir. Bəs CAMON 30 seriyası eyni istifadəçi mərkəzli yanaşmanı davam etdirirmi? Bu gün bunu öyrənmək üçün seriyanın ən əlverişli qiymətli modeli CAMON 30-u incələyəcəyik.
TECNO CAMON 30 Dizaynı Necədir?
Əvvəlcə dizayna baxdıqda, TECNO, CAMON 30 ilə yenidən standartların kənarına çıxmağı bacarır. Bu uğuru əldə etmək üçün Almaniyanın LOEWE markası ilə dizayn, texnologiya və innovasiya sahəsində əməkdaşlıq etmişdir. Telefon, İzlandiya Bazalt Qara, Uyuni Tuz Ağ, Səhrə Qumu Qəhvəyi və LOEWE xüsusi dizaynı kimi rəng variantları ilə təqdim olunur. İlk olaraq Bazalt Qara və Tuz Ağ versiyalarının bazara çıxacağını bildirməliyik. Gələcəkdə isə Səhrə Qumu Qəhvəyi və LOEWE xüsusi dizaynı satışa təqdim ediləcək.
“Əlimizdəki Bazalt Qara və Uyuni Tuz Ağ arxa paneli şüşədən ibarətdir. Bu şüşə materialı üzərində olan parıltılı qum örtüyü həm gözəl görünür, həm də tutma rahatlığını təmin edir. Üstəlik, heç bir halda barmaq izi saxlamır. Səhrə Qumu Qəhvəyi versiyasında isə sahədə ilk dəfə olaraq Tech-Art dərisindən istifadə edilib. TECNO-ya görə, bu dərinin hissiyatı təxminən 7 stəkan qəhvə tullantıları və 13 alüminium qəhvə kapsulunun təkrar emalı ilə əldə edilib. Üstəlik, materialın istehsal prosesində heç bir su mənbəyi istifadə olunmur və qaz emissiyası yaratmır. Bu materialın olduqca ekoloji cəhətdən təhlükəsiz və dost olduğunu deyə bilərik.
Arxa tərəfdə olan DSLR kameralarını xatırladan dairəvi kamera adası da olduqca gözəl görünür. TECNO-nun Zoom Ring adını verdiyi bu dizayn yalnız gözəl görünüş vermir, həm də cihazın isinməsinin qarşısını alır.
TECNO CAMON 30 Kamera Performansı
CAMON 30, istifadə olunan materiallar və kamera dizaynı ilə həqiqətən göz oxşayır. Lakin əsas diqqət mərkəzi bu kamera blokundadır. Telefon 50MP əsas kameraya malikdir və ona 2MP dərinlik sensoru və işıq sensoru dəstək verir.
Düzünü desək, əsas kamera TECNO-nun reklam etdiyi qədər uğurludur. Çəkdiyimiz fotolar həm ətraflı, həm də təbii rəng tonuna malikdir. Kameranın AI qeyd etməsinə baxmayaraq, rənglərin doyması çox yüksək deyil. Ümumiyyətlə, AI dəstəyi olan telefonlarda rənglər çox süni görünür, lakin CAMON 30-da hər şey olduğu kimi qalır. Düşük işıq şəraitində də kamera AI Cam modunda qüsursuz şəkillər çəkə bilir. F/1.88 diyaframın geniş olması bu uğura töhfə verir, çünki daha çox işıq qəbul edir.
Başqa kamera modları isə portret, panorama, ağır çəkim və 100 MP Ultra Təmiz Çəkiliş modunu əhatə edir. Portret rejimi xüsusilə bizi təəccübləndirdi, çünki arxa planı çox yaxşı ayırır və müxtəlif gözəlləşdirmə xüsusiyyətləri təklif edir.
TECNO CAMON 30 Ekran Xüsusiyyətləri
CAMON 30 120Hz yeniləmə sürətinə malik 6,78 düymlük AMOLED ekranı ilə yüksək keyfiyyətli vizual təcrübə təqdim edir. Full HD+ çözünürlüklü ekran gözəl multimedia təcrübəsi təmin edir. Ekranın 1000 nit parlaqlıq səviyyəsi birbaşa günəş işığı altında belə rahat istifadəyə imkan verir. Telefon Dolby Atmos dəstəkli iki səsgücləndiricilərə sahibdir, bu da səs keyfiyyətini daha da artırır.
TECNO CAMON 30 Performansı Necədir?
Telefon MediaTek Helio G99 Ultimate prosessoru və 8 GB RAM ilə təchiz olunub. Telefon gündəlik vəzifələri asanlıqla yerinə yetirir və oyunlarda da yaxşı performans göstərir.
TECNO CAMON 30 Batareya Ömrü
CAMON 30, 5000 mAh tutumlu batareyası ilə 1,5 günə qədər davam edə bilir. 70W sürətli şarj texnologiyası ilə təchiz edildiyi üçün tam dolması cəmi bir saat çəkir.
Alış-veriş edin, keşbek qazanın və maliyyənizi idarə edin
Hamısı bir tətbiqdə!
