Təcrübəsizsinizsə, konsol, coystik və maraqlı oyunları necə seçmək olar

Həyatınızda heç vaxt və ya cəmi bir neçə dəfə oyun konsolunu oynayan azsaylılardan birisinizsə (baxmayaraq ki, bu mümkün deyil – ilk konsol demək olar ki, 50 il əvvəl yaranıb!), biz sizə konsol seçimində kömək edəcəyik, hansı konsol aksesuarlarının lazım olmasını və bu payız və qarşıdan gələn qış axşamları üçün maraqlı oyunlar siyahısını təqdim edəcəyik.

Oyun konsolları haqda

Konsolların xüsusiyyətləri haqqında heç nə eşitməmiş olsanız belə, siz PlayStation və Xbox-ın nə olduğunu dəqiq bilirsiniz. Bir müddət əvvəl bu siyahıya portativ Nintendo konsolu əlavə olunduı. Əslində, bütün konsollar funksionallıq baxımından oxşardır, demək olar ki, eyni istifadə təcrübəsini verir və kobud desək, yalnız eksklüziv oyunlarda – başqa platformada mövcud olmayan oyunlarda fərqlənir. Biz peşəkar oyunçular üçün vacib olan bütün texniki incəliklərdən danışmayacayıq, sadəcə olaraq bazarın əsas oyunçuları haqqında qısaca məlumat verəcəyik.

Sony Playstation 4

Oyun konsolu dünyasında lider olan PlayStation 4 2013-cü ilin sonunda Yapon şirkəti tərəfindən buraxıldı. Yeri gəlmişkən, yeni nəsil oyun konsolları beş ildə bir dəfədən çox olmayaraq işıq üzü görür. Eyni zamanda, hər hansı bir konsol öz aktuallığını daha uzun müddət saxlayır – 6-7 il. Buna görə də, hazırda 2020-ci ilin Sony PlayStation 5 flaqmanını təqib etməyin mənası yoxdur. Birincisi, konsolun qiyməti kosmikdir, ikincisi, əla oyun konsoludur, lakin vaxtından bir qədər qabaqdadır. Məsələn, beşinci nəsil superçip dünyanın ən sürətli saxlama alt sistemidir, lakin bu cür imkanlar üçün qalan avadanlıqların eyni səviyyədə olması lazımdır.

Öncəki PlayStation 4 bəs edəcək. Yüksək performans, detal və qrafika keyfiyyəti – bu parametrlər həm təcrübəsiz, həm də həvəskar oyunçu üçün mütləq uyğun olacaq. PlayStation 4 konsolu sosial şəbəkələrlə sinxronlaşdırmaq və hesabınızı smartfonunuzdan idarə etmək imkanına malikdir.

Daha yeni model istəyirsinizsə, PlayStation 4 Pro alın – 4K və HDR10 televizorları üçün uyğundur. Əlavə pul xərcləmək istəmirsinizsə, Slim versiyalarına nəzər salın. Onun korpusu daha yığcamdır, az qızdırır, virtual reallıq eynəklərini də dəstəkləyir, coystik USB vasitəsilə işləyir. Konsolun yalnız şəkil keyfiyyəti zəifdir.

İnsanlar ümumiyyətlə PlayStation-ı nəyə görə sevirlər? Əsasən bu platforma üçün yaradılmış eksklüziv oyunlara görə. Belə bir oyunun ən məşhur nümunəsi Uncharted seriyasıdır. Bir çox oyunçu Natan Dreyk-in sərgüzəştlərinə qoşulmaq arzusunda idi, lakin yalnız PlayStation sahiblərinin belə bir imkanı var idi. Beləliklə, ilk növbədə, seçim edərkən, bu konsolda oynaya biləcəyiniz oyunların çeşidinə diqqət yetirməlisiniz. Nəzərə alın ki, PlayStation köhnə model konsollar üçün olan oyunları dəstəkləmir.

Umico Market-də tapa biləcəyiniz ən populyar PlayStation 4 oyunları

İkinci vacib xüsusiyyət – xidmətlərdir. Onlar yeniləmələri qəbul etmək, oyunları yükləmək, onları digər konsol sahibləri ilə İnternet üzərindən oynamaq və mesaj mübadiləsi üçün lazımdır. Unutmayın ki, oyunlar və xidmətlərin bəzi funksiyaları pulludur.

PlayStation-ı fərqləndirən başqa şey virtual reallığı sınamaq qabiliyyətidir. Sony virtual reallıq qulaqlığını buraxdı PS VR-o, PlayStation 4-ün bütün versiyaları ilə işləyir. Düzdür, qrafikanın keyfiyyəti o qədər də yaxşı deyil, lakin virtual reallığın nə olduğunu sınamağın ən sərfəli yolu olduğu ortaya çıxdı. İndiki nəsil konsollar üçün belə dəbilqə olduqca qeyri-adi əlavədir.

Sony Playstation VR

Xbox One

Xbox One demək olar ki, PlayStation ilə eyni vaxtda çıxdı, lakin onun performansı əvvəldən daha yaxşı idi. Güclü qrafikalı oyunu oynamaq istədiyiniz zaman bunu görəcəksiniz: yükləmə zamanı heç bir problem olmayacaq, hər şey çox tez işləyir və keçid zamanı diqqətiniz yayınmayacaq. Eksklüziv oyunlar və virtual reallıq sizin üçün vacib deyilsə, Xbox-u seçə bilərsiniz. Ancaq bunun müqabilində siz mütləq sabit və sürətli işləyən konsol alacaqsınız.

Umico Market-də tapa biləcəyiniz Microsoft konsolunda əsas oyunlar

Xbox-un əsas üstünlüyü yüzdən çox oyunu olan Game Pass-dır və siyahı müntəzəm olaraq yenilənir. Bundan əlavə, Microsoft oyunları buraxılış zamanı dərhal burada görünür və siz təzə layihələri demək olar ki, pulsuz əldə edirsiniz. Xbox-un multimedia imkanları PlayStation-dan bir qədər yaxşıdır: onlayn kinoteatr proqramlarından və YouTube-dan əlavə, hətta Skype da var.

Nintendo Switch

Nintendo konsolları tamamilə fərqli bir yanaşmadır. Nintendo Switch həm stasionar, həm də mobil unikal formaya malikdir. Eyni oyunu monitorda və ya televizorda və 6,2 düymlük konsolun ekranında oynamaq olar. Bu konsolu həm evdə, həm də yolda oynamaq olar.

Əgər siz tamamilə təvazökar oyunçusunuzsa və yalnız yolda oynamaq üçün konsol seçirsinizsə, Umico Market sizin üçün əla büdcə seçimini təklif edir – Rasik SUP. Hər yerdə özünüzlə apara biləcəyiniz məşhur Танчики və Super Mario da daxil olmaqla 400 məşhur quraşdırılmış 8 bitlik oyunlar.

Oynamaq üçün başqa nə lazımdır

1. Aksesuarlar: qeympadlar, kontrollerlər, yarış üçün sükanlar, stilizə edilmiş ov tüfəngləri və şuterlər üçün tapancalar.

Konsolu idarə etmək üçün əsas cihaz qeympaddır. Dəstdə adətən cəmi bir qeympad olur. Dostlarınızla və ya bütün ailə ilə oynamaq niyyətindəsinizsə, ən azı daha bir qeympad almalı olacaqsınız.

Seçərkən, konsolun dəstəklədiyi aksesuarların çeşidinə diqqət yetirməlisiniz. Nə qədər çox aksesuar dəstəklənirsə və nə qədər müxtəlifdirsə, bir o qədər yaxşıdır. Aksesuarların seçimi oynamaq niyyətində olduğunuz oyun növündən asılıdır. Məsələn, PlayStation sükanları əl əyləci, sürət qutusu, pedallar ilə təchiz edilmişdir. Əgər siz yarış həvəskarısınızsa, bu sükanı mütləq sevəcəksiniz.

2. Səs və akustika

Səs də tam immersiv virtual reallıq təcrübəsi üçün çox vacibdir. Televizorun daxili dinamikləri çətin ki, sizi sevindirsin. Əgər kifayət qədər tez-tez oynamağı planlaşdırırsınızsa, əlavə ev akustikasını almaq daha yaxşıdır. Bundan əlavə, stasionar oyun konsolu yalnız təyinatı üzrə istifadə edilmir. O, əsl media mərkəzinə çevrilə bilər – əksər modellər musiqinin səsləndirilməsini, Dolby Digital dəstəyi ilə DVD-videonu, eləcə də Blu-ray-ı dəstəkləyir. İstisna, Nintendo-nun yalnız oyunlar üçün “kəskinləşdirilmiş” konsollarıdır.

Umico Market-dən məsləhətlər. Oyun konsolunu necə seçmək olar

1. Növünə qərar verin – portativ və ya stasionar konsol. Birincisini çox sərfəli qiymətə almaq və hər yerə özünüzlə aparmaq olar. Stasionar yalnız evdə istifadə üçün uyğundur.
2. Brendinizi seçin. Ən populyar konsollar Sony və Microsoft tərəfindən istehsal olunur – bunlar müvafiq olaraq PlayStation və Xbox-dır. Bir qayda olaraq, ilk növbədə, konsol dəstəklədiyi oyunlara uyğun olaraq seçilir. Nəzərə alın ki, PlayStation, Xbox-dan fərqli olaraq, köhnə oyunları dəstəkləmir.
3. Müəyyən bir konsol üçün hansı aksesuarların mövcud olduğunu soruşmaq artıq olmaz. İdarəetmə sükanı, kameralar, VR dəbilqələri – nə qədər çox aksesuar və sevimli oyunlarınız üçün nə qədər uyğundularsa, bir o qədər yaxşıdır.
4. Sərt diskin həcminə diqqət yetirin. Həcmi nə qədər böyükdürsə, bir o qədər çox oyun yükləyə və quraşdıra bilərsiniz.
5. Ən son nəsil konsolu seçmək daha yaxşıdır. O nə qədər yeni olsa, bir o qədər uzun müddət aktual qalacaq.

Umico sizə virtual qələbələr və əsl əyləncə arzulayır!