Umico Relax

Top-10. 2021-ci ilin “Oscar” qalibləri

“Oscar” mükafatının 93-cü mərasimi Los-Ancelesdə baş tutdu. 28 fevralda baş tutmalı idi, lakin pandemiyanın başlaması ilə mərasim 25 aprelə təxirə salındı. Yeri gəlmişkən, bu, təxirə salınmış dördüncü “Oscar” oldu. 1938-ci ildə, Los-Ancelesdəki selə görə, 1968-ci ildə Martin Lüter Kinqin öldürülməsi və 1981-ci ildə ABŞ Prezidenti Ronald Reyqana sui-qəsd səbəbi ilə mərasim vaxtında keçirilməmişdi. COVID-19-a baxmayaraq, 93-cü mərasim oflayn formatda və yeni bir məkanda keçirildi – məşhurlar Los Ancelesin dəmir yolu vağzalının tarixi binasında toplaşdı. Həmin gecə seçilmiş ən yaxşı filmlər siyahısı budur.

Köçərilərin diyarı

 “Ən yaxşı film”, “Ən yaxşı rejissor” (Xloi Cao), “Ən yaxşı aktrisa” (Frensis Makdormand)

Rejissoru Xloi Cao olan film artıq Venesiya Film Festivalının əsas mükafatını qazandı, bu “road-movie” filmində baş rolun prodüseri və ifaçısı Frensis Makdormand isə artıq üç Oskarın sahibidir. Baş qəhrəman ərini və evini itirdi və amansız şəkildə Amerika yollarına çıxdı. Yolda hər birinin öz tarixçəsi olan onun kimi digər köçərilərlə tanış oldu. Yararsız halda olan pianoda blüz çalan köhnə papaqlı qoca musiqiçilər. Mövsümi işçi Linda Mey, Amazonda həm xadimə, həm də qablaşdırıcı olaraq çalışmağa hazır olan yaşlı, lakin canlı bir qadındır. “Jolly Roger”ı qoşqusuna yapışdıran və ömrü boyu daş yığan qiyamçı Suonki. Ssenari Amerikalı jurnalist Cessika Brudelin “Köçərilərin diyarı. XXI əsrin Amerikasında sağ qalmaq” kitabına əsaslanır. Kitab 2017-ci ildə nəşr olunub. Xloi Cao kitab çıxdıqdan dərhal sonra ekranlaşdırma hüquqlarını aldı.

«– Ana dedi ki, sən evsizsən. Düzdür? 

– Yox, sadəcə əmlakım yoxdur.

– Eyni şey deyil, düzdür?

– Deyil».


Ata

“Ən yaxşı aktyor” (Entoni Hopkins), “Ən yaxşı uyğunlaşdırılmış ssenari” 

Entoni Hopkinsin bu filmdəki rolu “aktyorluğun master klassı” adlanır. Əsas qəhrəmanı Entoni artıq gənc deyil və Londondakı mənzildə tək yaşayır. Hər şeyin öhdəsindən özü gəldiyini və köməyə ehtiyac duymadığını düşünür, lakin qızı Ann əks fikirdədir. O, Parisə köçmək niyyətindədir və atası üçün bir tibb bacısı tapmaq istəyir. Entoni bütün mümkün yollarla müqavimət göstərir, amma mənzilində qəribə şeylər baş verməyə başlayır – qonaq otağında tanımadığı adam peydə olunur, qızı birdən görünüşünü dəyişir və sevimli saatı daim yoxa çıxır. Zamanda, ətrafında azan və hətta öz xatirələrində qarışıq düşən 80 yaşında kişi, çox tez özündən çıxan və şübhəli adama çevrilir, ətrafında baş verənləri anlaya bilmir.

“Mən əslində kiməm?”


Minari

“Ən yaxşı ikinci dərəcəli aktrisa” –  Yun Yo-Con

Koreyalı emiqrantlar haqqında bu dram altı dəfə Oscar mükafatına layiq görülən namizəddir. Süjet: 1980-ci illərdə gənc Koreya ailəsi bir ferma əldə etmək üçün Arkanzasa köçür. Bu, atanın fikridir (“Walking Dead” filmi ilə məşhur olan Stiven Yön). Böyük qızı və kiçik oğlunu özünün yetişdirdiyi Koreya məhsullarının satışı ilə dolandırmağı planlaşdırır. Lakin həyat davamlı olaraq gənc ailə üçün yeni çətinliklər gətirir və bütün qalan pul-para sözün əsl mənasında artıq torpağa basdırılıb. Üstəgəl Koreyadan Sunca nənə (Yun Yo-Con) gəlir. Öz vəsvəsəsi var: ailəni xalq təbabəti olan minari bitkisi ilə müalicə etmək. Bu, bütün xəstəliklər üçün istifadə etməyi sevdiyimiz bağayarpağına bənzər bir şeydir. Nənəsi toxumlarını evdən gətirdi və fermanın yanında əkdi.

“Bu nə qutudur belə?”

 – Bizim təzə evimizdir. Biz axı hər şeyi yenidən başlamaq istəyirdik”


İuda və qara məsih

“Ən yaxşı ikinci dərəcəli aktyor” – Deniyel Kaluya, “Ən yaxşı musiqi” – H.E.R. «Fight for You»

“İuda və qara məsih” klassik bir Hollywood biopikidir. Filmin hadisələri Riçard Niksonun impiçmenti fonunda 1960-cı illərin sonunda Çikaqoda baş tutur. Bu zaman, Vyetnam müharibəsi və iqtisadi tənəzzül səbəbi ilə FTB-nin terrorçu hesab etdiyi sol qanadlı bir təşkilat olan “Qara Panteralar” güclənir. Baş qəhrəman, saxta sənədin köməyi ilə özünü FTB agenti kimi göstərən,   bir gün həqiqi agentlərlə rastlaşıb həbsxana ilə məlumatverici olaraq işləmək arasında bir seçimlə qarşılaşan kiçik bir oğrudur. Şübhəsiz ki, həbsxanaya getmək istəmir, buna görə də “Panteralar”a və onların lideri olan Fred Hemptona qoşulub məlumatverici olur.

“Qurtuluşçunu öldürə bilərsiniz, lakin qurtuluşu öldürə bilmərsiniz”


Ruh

“Ən yaxşı tammetrajlı animasiyalı film” 

Pixar-ın animasiya filmi, “Oscar” mükafatlarının verilmə mərasiminin başladığı zaman ən çox mükafat qazanan oldu. Müxtəlif peşə birliklərinin mükafatlarına namizəd göstərildiyi zaman bütün mükafatları qazandı. Ümumilikdə hesabında artıq 10 mükafatı var idi! Cizgi filmi Codan bəhs edir, Nyu-Yorkda yaşayan və məktəbdə musiqi dərsini keçən bir pianoçudur. Co bütün həyatı boyunca caz ansamblında səhnədə çıxış etmək arzusunda olub. Və beləliklə yoxlamadan keçib dəvət alır, lakin həmin gün dünyasını dəyişir. Bədbəxt hadisə nəticəsində Co cənnətə düşür. Orada hər şeyin necə işlədiyini anlamağa başlayır və nə olursa olsun konsertdə iştirak etmək üçün bədəninə qayıtmağa qərar verir.

“Bütün bunlara görə ölməyə dəyərmi?”.


Mank

“Ən yaxşı operator işi”, “Ən yaxşı quruluşçu rəssam”

Devid Finçerin çəkdiyi ağ-qara Amerikan “Mank” draması Hollivud ssenaristi Herman Mankeviçin hekayəsindən bəhs edir. 1940-cı il. Bir vaxtlar Hollivudu fəth etməyə gələn və ümumiyyətlə müvəffəq olan New York zəkası Herman Mankeviç, avtomobil qəzasında yaralandıqdan sonra Mohave səhrasının ortasındakı bir evdə tək qalır. Prodüser Con Hausmen və gənc rejissor Orson Uells tərəfindən orada dustaq kimi saxlanılır: dostları onu Mank adlandırır və o, cəmi üç aya Uells üçün bir ssenari yazmalıdır. İki aya olsa lap yaxşı olar. Mank, Hollivuddakı son illərini yada salır və biznes sahibləri ilə şəxsi ünsiyyət təcrübəsini ssenariyə keçirir.

“-Ehtiyatlı ol, bu pillələr çox qəddardırlar.

– Lap həyatımın hər anı kimi”.


Daha birini

“Ən yaxşı xarici film” 

Filmin rejissoru Tomas Vinterberq mükafatı alarkən dedi: “Bu, təsəvvür edə bilmədiyim bir şeydir, beş yaşımda təsəvvür etməyimi saymasaq”. “Bu, hər şeyə nəzarəti itirdiyiniz haqda bir filmdir, özüm hər şeyə nəzarəti itirəndə ortaya çıxdı” deyə rejissor əlavə etdi. Həyat yoldaşına dəstəyinə görə təşəkkür etdi və qələbəni film üzərində işləyərkən avtomobil qəzasında həyatını itirən qızına həsr etdi. Şəklin süjeti bir lətifəyə bənzəyir: dörd məktəb müəllimi dostluq edir – tarixçi, psixoloq, musiqi müəllimi və bədən tərbiyəsi müəllimi – həyatlarının bir şəkildə kədərli və sönük olduğuna qərar verir və hər gün içməyə razılaşırlar. Dostlar bunun işlərinə və şəxsi həyatlarına necə təsir etdiyini izləməyə razılaşıb qaydalar qoyurlar: axşamlar və həftə sonları içməmək. Fikir, hər insanın anadan olandan qanında bir az alkoqol çatışmazlığı olduğu iddia edilən elmi nəzəriyyəni təkzib etməli və ya sübut etməlidir. Əvvəlcə hər şey yaxşı keçir, amma bir nöqtədə idarədən çıxır.

“Mən içmirəm, tədqiq edirəm”. 


Metal səsi

“Ən yaxşı montaj”, “Ən yaxşı səs” 

İstedadlı Riz Əhmədin baş rolu oynadığı səssizliyin qəbul edilməsi haqda həssas bir indi-dram. Ruben, sevgilisi ilə qurduğu Blackgammon pank qrupunun zərbçisi və asılılığından qurtulmaq üçün mübarizə aparan keçmiş narkomandır. İndi sağlam bir həyat tərzi sürür, amma bu, onu gözlənilməz bir xəstəlikdən xilas etmir: tamaşaların birində Ruben eşitmə qabiliyyətini itirməyə başladığını başa düşür. Səssiz dünya ilə təkbətək qalan Ruben, yeni gerçəkliyə alışmalı, özünü yenidən tapmalı və sevgilisi ilə münasibətlərini davam etdirməlidir.


Dəlil

“Ən yaxşı vizual effektlər”

Bu kateqoriyada Kristofer Nolanın filmini üstələmək həqiqətən çətin idi. Mürəkkəb süjeti olan bir blokbaster. Rejissor zaman paradoksları ilə oynayır, tamaşaçıları labirintin mərkəzinə atır və eyni zamanda dostluq, sevgi, ailə və borc barədə bir hekayə danışır. Kiyev Opera Evindəki terror hücumundan sonra CIA agenti Britaniya kəşfiyyatı ilə birləşərək silah ticarətində küllü miqdarda pul qazanan bir rus oliqarxla mübarizə aparmağa başlayır. Bunun üçün agentlər vaxt inversiyasından – vaxtın geri çəkilməsinə imkan verən gələcəyin texnologiyasından istifadə edirlər.

Maraqlıdır ki, filmin çəkilmə prosesi gizli keçirdi. Filmin adı çəkilişlərin başlamasından cəmi bir ay əvvəl elan edildi. Əsas rollardan birini oynayan Robert Pattinson, ssenarini yalnız Warner Bros. studiyasında bağlı bir otaqda oxumağa icazə verildiyini açıqladı. Filmdə epizodik rol oynayan Maykl Keynə ssenarinin hamısını oxumaq imkanı verilmədi. Yalnız ona aid olan səhnələri bilirdi, o da şəklin nədən bəhs etdiyini anlamaq üçün kifayət deyildi. Onu da qeyd etmək lazımdır ki, Keyn Nolanın yaxın dostdur.

“– Hara it-bat oldu?

– Keçmişə”.


Ümid verən qız

“Ən yaxşı orijinal ssenari” 

“Ən yaxşı orijinal ssenari” nominasiyasında Oskar Mükafatı rejissorluqda ilk dəfə Oscar mükafatına namizəd göstərilən ilk qadın olan Emirald Fennelə verildi. Süjetin mərkəzində ən yaxşı dostunu itirdiyinə görə dərd çəkən və ölümünün intiqamını almağa çalışan gənc qız Kassandranın hekayəsi var. Bir vaxtlar Kassandra universitetdə oxuyurdu və böyük vədlər göstərirdi, amma indi valideynləri ilə birlikdə yaşayır və bir qəhvəxanada işləyir. Qız sevdiklərindən gizlədir ki, axşamlar barları və digər əyləncə məkanlarını ziyarət edir, burada özünü sərxoş kimi göstərərək müdafiəsiz qadınlara can atan kişiləri ovlayır. Qəzəbini əks cin nümayəndələrinə atan Kassandra tələbəlik illərindəki hadisələrə görə və dostunun məhv edilmiş həyatı üçün intiqam alır.

Umico sizə xoş izləmələr arzulayır! 

Alış-veriş edin, keşbek qazanın və maliyyənizi idarə edin

Hamısı bir tətbiqdə!

Leave a reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Faydalı məlumat əldə etmək və alış-verişi daha da düşünülmüş etmək istəyirsiniz?

Bizim yollamalara abunə olun və yeni məqalələr haqqında bildirişlər alın!

E-poçt səhv daxil edilmişdir
Müraciət göndərildi
Abunə olun
Siz artıq yollamalara abunə olmusunuz
0 %